In gita? Parcossa? - ANFFAS ONLUS PADOVA

vedi i nuovi SOGGIORNI ESTIVI 2017
Vai ai contenuti

Menu principale:

In gita? Parcossa?

SERVIZI > Gruppo gite " I ROVINASSI "

IN GITA?  PARCOSSA?

L'altro giorno al'ANFFAS go catà uno che me ga dito: “'N'altra gita?! Cossa ocore 'ndare in giro che  i nostri tosi sta tanto ben al Ceod e noaltri no ghemo pensieri e no spendemo schei.”
“Bravo” go dito mi, “e ora desso te spiego tuto:
podaria dirte che gavemo visto e vedaremo (se el Signore ne juta e ea Presidente ne lassa) bee sità, monumenti, paesagi, catedrai, trafori, parchi divertimenti, treni, trenini e altre robe sia in Italia che a l'estero, che noaltri da soi no gavarissimo mai visto;
podaria dirte che i nostri tosi co'i ze in giro i se distrae, i ze in compagnia dei so amissi, i se juta i uni coi altri e i rompe manco de cuando che i ze a casa sua;
podaria dirte che noaltri grandi, che co'l tempo gavemo inparà a conossarse e a voerse ben, ne piaxe cussì tanto stare a fare comarò, a zugare a tonbola e a vardarse intorno, che no vorissimo mai  tornare a casa;
podaria dirte che sì, se spende schei par viagiare, qua no se discute, ma gheto fato ben i conti che in efeti i ze quatro schei in proporsion a queo che te fe', e che se te ve' via con 'na agensia de viagi no te bastarìa el dopio de queo che te spendi co' “i rovinassi”? E no parchè i ne regaea e robe, ma parchè el ze el risultato de ricerche longhe e puntigliose;
podaria dirte che femo de quee magnade de roba tipica dei posti dove che 'ndemo, da ricordarsene fin aea gita dopo;
podaria dirte … a no te digo altro parchè se te ghè capìo bon e te vien via anca ti, e se non te ghe capìo sta pure a casa tua che là te stè tanto ben!

 
Investimento
Torna ai contenuti | Torna al menu